கம்பர் இயற்றிய ஏரெழுபது: வேளாண் தொழிலின் சிறப்பு

“அம் புவியில் மக்கள் அமுதம் அருந்த வைத்த கம்பர் கவியே கவி”  -  கவிமணி தேசிகவிநாயகம் பிள்ளை

கம்பர் கவிச்சிறப்பு தமிழிலக்கிய வரலாற்றில் தலை சிறந்ததாக அறிஞர்களால் போற்றப்படுகிறது. 

ஏர் எழுபது. ஏரெழுபது என்பது, வேளாண்மை தொழிலின் சிறப்புப் பற்றிக் கம்பர் எழுதிய நூலாகும். உழுகருவி, வேளாண்மையில் எருதுகளில் .

வேளாண்மை என்றாலே விவசாயம், என்றும் வேளாளர் என்றால் விவசாயி என்றும் பொருள்படுகின்ற நிலைமை கி.பி. 10ஆம் நூற்றாண்டுக்குப் பின்னர் தோன்றிவிட்டது. ஏர்க் கலப்பை, வேளாளர் சாதிக் குழுக்களின் அடையாளச் சின்னமாக ஏற்கப்பட்டு, பொதுப் பிரக்ஞையிலும் பதிந்துவிட்டது. சித்திரமேழிப் பெரியநாடு என்ற வேளாளர் தலைமையிலமைந்த சமூகவியல் - அரசியல் நிறுவனத்தின் எழுச்சி இந்தப் பின்னணியில் நோக்குதற்குரியது. கம்பர் எழுதியதாக நம்பப்படும் 'ஏர் எழுபது' வேளாண்மையை அடித்தளமாகக்கொண்ட வேளாளர் சாதிப் பெருமையைச் சிறப்பிக்கும் இலக்கியமே. அப்படியிருக்க, கி.பி. 10ஆம் நூற்றாண்டு வரையிலும் காருகவினை எனப்பட்ட நெசவுத் தொழில், வேளாளர் தொழில்களுள் ஒன்றாக நிகண்டுகளில் குறிப்பிடப்படுவதிலிருந்து, விவசாயத் தொழில்புரிவோர் மட்டுமின்றிச் சாலியர், கைக்கோளர் முதலிய சாதியினரும் வேளாளர்களாகவே கருதப்பட்டு வந்தனர் எனத் தெரிகிறது. சங்க இலக்கியங்களில் ஓரிரு இடங்களில் காணப்படுகிற, “ஆதரவற்ற பெண்டிர் தமது சுயமுயற்சியால் நூற்ற நூல்” (ஆளில் பெண்டிர் தாளில் தந்த நுணங்கு நூண் பனுவல் – நற்றிணை 335), "பருத்திப் பெண்டின் பனுவல்" (புறம். 125) போன்ற குறிப்புகளாலும், இலங்கை அரசி யக்ஷிகுவேணியே நெசவைக் கற்பித்தவள் எனக் குறிப்பிடும் இலங்கை வரலாற்றுத் தொன்மக் குறிப்பினாலும், நெசவாளர்களும் வேளாட்டியரின் மக்களாகவே கருதப்பட்டதில் உள்ள தர்க்கபூர்வ உண்மைமை உய்த்துணரலாம்.  

வேளாளர்களைக் 'காராளர்' என்ற பெயரால் நிகண்டுகள் குறிப்பிடுகின்றன.  

கம்பர் தஞ்சை மாவட்டத்துத் திருவழுந்தூர் என்னும் ஊரில் பிறந்தவர். இதனைத் தனிப்பாடல் ஒன்று விவரிக்கிறது. கம்பர் என்ற பெயர் பற்றிப் பல்வேறு கதைகள் வழங்குகின்றன. கம்பர் உவச்சர் குலத்தில் (பூசாரிக் குலம்) பிறந்தமையால் பெற்ற பெயர் என்று கூறுவர். காளி கோயிலில் பூசை செய்யும் மரபினர் என்று உவச்சர்கள் சுட்டப்பெறுகின்றனர். கம்பர் குழந்தையாகக் காளி கோயில் கம்பத்தின் அருகே கிடந்தமையால் இப்பெயர் பெற்றார் என்பர். கம்பங் கொல்லையைக் காத்து வந்தமையால் கம்பர் என்று அழைக்கப்பட்டார் என்றும் கூறுவர். காஞ்சிபுரத்தில் உள்ள இறைவனாகிய ஏகம்பன் தேவாரப் பதிகங்களில் ‘கம்பன்’ என்றே சுட்டப்படுகிறான். அந்தப் பெயர் இவருக்கும் இடப்பட்டது என்பர்.  வடமொழியில் வான்மீகி எழுதிய இராமாயணத்தைக் கம்பர் தமிழில் இராமகாதையாக இயற்றினார். அவர்தம் நூல்களுள் இதுவே தலைசிறந்த நூல் ஆகும். இதுவன்றி வேறு சில நூல்களையும் எழுதியதாகக் கம்பர் பற்றிய கதைகள் கூறுகின்றன. கம்பர் உழவுத் தொழிலையும் உழவரையும் பாராட்டி எழுதிய நூல்கள் ஏர் எழுபது, திருக்கை வழக்கம் என்பன.

கம்பன் கி.பி. 13ஆம் நூற்றாண்டைச் சேர்ந்தவன். சரஸ்வதி அந்தாதியும் ஏரெழுபதும் 15 அல்லது 16ஆம் நூற்றாண்டுக்கு உரியனவாகத்தான் இருக்க இயலும். பத்மநாபபுரம் அரண்மனையிலிருந்து சரஸ்வதி படிமம் ஊர்வலமாக எடுத்துச் செல்லப்படுவது குறித்த பழைய நம்பிக்கை, அரச குலத்தவர் அல்லாத வேளாண் மரபு ஆட்சியாளர்கள் கம்பனைத் தமது குருவாகக் கொள்ளுதல் (எடுத்துக்காட்டாகக் கொங்கு வேளாளர்கள் கம்பனுக்கு மாத்து அளித்து அடிமை புகுந்தமை, கம்பனை ஆதரித்த தொண்டை மண்டல வேளாளரான சடையப்ப வள்ளல் குறித்த பழங்கதைகள் போன்றவை) முதலான நிகழ்வுகள் சரஸ்வதி அந்தாதியும், ஏரெழுபதும் கம்பனால் இயற்றப்பட்டவை என்ற ஒரு தோற்றம் ஏற்படுவதற்குக் காரணமாக இருந்திருக்கக்கூடும். 
வாழ்த்துகளுடன்,
- எஸ். இராமச்சந்திரன், ஆய்வாளர். http://www.jeyamohan.in/35773

வேளாண் குடிகள்தம் சிறப்பு

ஆழித்தேவர் கடலானார் அல்லாத்தேவர் அம்பலத்தார்
ஊழித்தேவர் தாங்கூடி உலகங் காக்க வல்லாரோ
வாழித்தேவர் திருமக்கள் வையம் புரக்கும் பெருக்காளர்
மேழித்தொவர் பெருமைக்கு வேறே தேவர் கூறேனே

வேளாளர் சிறப்பு
 
தொழுங்குலத்திற் பிறந்தாலென் சுடர்முடிமன் னவராகி
எழுங்குலத்திற் பிறந்தாலென் இவர்க்குப்பின் வணிகரெனுஞங
செழுங்குலத்திற் பிறந்தாலென் சிறப்புடைய ரானாலென்
உழுங்குலத்திற் பிறந்தாரே உலகுய்யப் பிறந்தாரே

வேளாளர் புகழ் புலமையின் பெரிது

அழுங்குழவிக் கன்புடைய தாயேபோ லனைத்துயிர்க்கும்
எழுங்கருணைப் பெருக்காளர் எளியரோ யாம்புகழ
உழுங்கெழுவிற் கருவீறி யுலகமுதற் கருவாகச்
செழுங்கமலத் தயனிவரைச் செய்துலகஞ் செய்வானேல்

வேளாண் குலத்திற்கு நிகரில்லை
 
வேதியர்தம் உயர்குலமும் விறல்வேந்தர் பெருங்குலமும்
நீதிவளம் படைத்துடைய நிதிவண்கர் தம்குலமுஞ்
சாதிவளம் படைத்துடைய தாயனைய காராளர்
கோதில்குலந் தனக்குநிக ருண்டாகிற் கூறீரே

உழவின் சிறப்பு

 

அலகிலா மறைவிளங்கும் அந்தணரா குதிவிளங்கும்
பலகலையாந் தொகைவிளங்கும் பாவலர்தம் பாவிளங்கும்
மலர்குலாந் திருவிளங்கும் மழைவிளங்கும் மனுவிளங்கும்
உலகெலாம் ஒளிவிளங்கும் உழவருழும் உழவாலே

வேளாளர் பெறும் பேற்றின் சிறப்பு
 
அரியா தனத்தின் மேலிருந்தே யம்பொற் குடைக்கீ ழரசியற்றும்
பெரியார் பக்கல் பெறும்பேறும் பேறேயல்ல பெருக்காளர்
சொரியா நிற்பச் சிலர் முகந்து தூற்றா நிற்பச் சிலரளந்து
புரியா நிற்பப் பெரும்பேறுக் கதுநே ரொக்கப் போதாதே

நன்மங்கல வாழ்த்து

பார்வாழி நான்மறைநூற் பருணிதரா குதிவாழி
கார்வாழி வளவர்பிரான் காவேரி நதிவாழி
பேர்வாழி பெருக்காளர் பெருஞ்செல்வக் கிளைவாழி
ஏர்வாழி யிசைவாழி யெழுபத்தொன் பதுநாடே

நன்றி: ஏரெழுபது & திருக்கை வழக்கம் ஆசிரியர், கம்பர்: மதுரை தமிழ் இலக்கிய மின் தொகுப்பு திட்டம்

"உலகம் பல தொழில் செய்து சுழன்றாலும் ஏர்த் தொழிலின் பின் நிற்கிறது; அதனால் எவ்வளவு துன்புற்றாலும் உழவுத் தொழிலே சிறந்தது; உழவு செய்ய முடியாமல் உயிர் வாழ்கின்றவர் எல்லாரையும் தாங்குவதால், உழவு செய்கின்றவர் உலகத்தார்க்கு அச்சாணி போன்றவர்; உழவு செய்து அதனால் கிடைத்ததை உண்டு வாழ்கின்றவரே உரிமையோடு வாழ்கின்றவர்; மற்றவர் எல்லோரும் பிறரைத் தொழுது உண்டு பின் செல்கின்றவரே!" என்று உழவின் பெருமையையும் மேன்மையையும் திருவள்ளுவப் பேராசான் போற்றிக் கூறியிருக்கிறார்.



ஆனால் அதற்கு ஒரு படி மேலே சென்று உலக மக்கள் அனைவருக்கும் முதுகெலும்பாக இருக்கும் உழவுத் தொழிலின் தனிச்சிறப்பை இரு நூல்களின் வாயிலாக எடுத்துக் கூறியுள்ளார் கவிச்சக்ரவர்த்தி கம்பர்.

கம்பர் என்று கூறினாலே "கம்பராமாயணம்" ஒன்றுதானே அனைவருக்கும் நினைவுக்கு வருகிறது. ஆனால் அவர் எழுதிய ஒன்பது நூல்களுள், வேளாளர் மரபைப் போற்றி, பொருளாதாரத்தைப் புகழ்ந்துரைக்கும் அதியற்புதமான இரு நூல்கள்தான்;

• "ஏர் எழுபது" மற்றும்
• "திருக்கை வழக்கம்"

கம்பர் பாடியதாகக் கருதப்படும் "ஏர் எழுபது", வேளாளர் தம் சிறப்பையும், உழவுத் தொழிலின் மாண்பையும் கூறுகிறது.

மற்றது, 59 கண்ணிகளைக் கொண்டு, வெண்டளையால் வந்த கலிவெண்பாவால் பாடப்பட்ட "திருக்கை வழக்கம்" என்ற நூல், வேளாண் பெருமக்களின் கொடை குணத்தைச் சிறப்பிக்கிறது. திருக்குறள் வழிநின்று பாராட்டி, ஏர்த்தொழில் பற்றிய நுட்பமான செய்திகளை விரித்துரைக்கிறது. "ஏர் எழுபதை"ப் பாடியதையொட்டி "திருக்கை வழக்கத்தை"யும் கம்பர் பாடியதாகக் கூறுவர்.

இந்நூல்கள் தோன்றியதற்கான சூழல், படித்து இன்புறத்தக்கது. கம்பர், குலோத்துங்கன் அரசவையில் வீற்றிருந்தபோது ஒருநாள், குலோத்துங்கன் சப்தமிட்டுச் சிரித்துவிட்டான். இதைக் கண்ட கம்பர், "அரசே! எதனால் இப்படிச் சிரித்தீர்கள்? காரணத்தைச் சொன்னால் உங்கள் மகிழ்ச்சியில் நாங்களும் பங்கு பெறலாமே?" என்றார்.

"கம்பரே, நீரும் எமது பிரஜைகளும் எனக்கு அடிமைகள்தானே என்று நினைத்துச் சிரித்தேன்" என்று குலோத்துங்கன் கூறியவுடன் கம்பருக்கு கடும் சினம் எழுந்தது.

"என்ன சொன்னீர்? நானும் உமது அடிமை என்றா கருதுகிறீர்? இது ஒப்பாது.

அரசே! நீவிர் புவிச்சக்ரவர்த்தி, நானோ கவிச்சக்ரவர்த்தி. உமக்கு நான் அடிமையாகேன்?"  என்று கூறி அவையை விட்டு கிளம்ப முயன்றார்.

உடனே குலோத்துங்கன், "கம்பரே! நீவீர் கவிச்சக்ரவர்த்தியாய்த் திகழ்வது எனது சமஸ்தானத்தில்தான். மற்ற தேசத்தில் உமக்கு இத்தகைய பெருமை கிடைக்காது" என்று கூறியதும் கம்பர் மனம் பொறுக்காதவராய்,

"கொல்லிமலைத் தேன்சொரியும் கொற்றவா
 நீ முனிந்தால் இல்லையோ எங்கட்கிடம்?"

என்று கூறிக் கொண்டே அணிகலன்களைக் கழற்றிவைத்துவிட்டு வெளியேற நினைத்தார்.

இதைக்கண்ட அரசன், மேலும் பல கடினமான வார்த்தைகளைக் கூறியதைக் கேட்ட கம்பர், "மன்னவனும் நீயோ? வளநாடும் உனதோ?" என்ற பாடலைப் பாடி, அவையைவிட்டு வெளியேறினார்.

அவ்வாறு அவையைவிட்டு வெளியேறிய கம்பர், நீண்ட தூரம் நடந்த களைப்பு. அப்போது அவர் பார்வையில் பட்டது அக்காட்சி. தூரத்தில் பழையது கரைத்த மோரை எடுத்து வந்த மனைவி உழுது கொண்டிருந்த உழவனுக்குக் கொடுத்துக்கொண்டிருந்தாள். தாகம், பசி மேலீட்டால் கம்பர் தானும் அங்கு சென்று கையை நீட்டினார். இதைக் கண்ட வேளாளன் வழிப்போக்கனான கம்பருக்கு அந்த மோர்க் குவளையைத் தந்து பசியாறச்செய்தான். மோர் பருகி வயிறு நிரம்பியதும் இந்தக் வேளாளனுக்கு என்ன கைம்மாறு செய்யப்போகிறேன் என்று கூறி, தன்னால் இயலக்கூடிய கைம்மாறு ஒன்றுதான் உண்டு. அதுதான் கவி. என நினைத்தவர் உடனே,

"செட்டிமக்கள் வாசல் வழி செல்லோமே செக்காரர்
 பொட்டி மக்கள் வாசல் வழி போகோமே,
 முட்டிபுகும் பார்ப்பார் அகத்தை எட்டிப்பாரோமே
 எந்நாளும் காப்பாரே வேளாளர் காண்!"

என்ற கவியொன்றை அப்போதைக்குப் பாடிவிட்டுத் தம் பயணத்தைத் தொடர்ந்தார்.

தனது பசியையும், தாகத்தையும் தீர்த்த வகையை நினைத்தும், தான் குடிக்கப்போன மோரைக் குடிக்காமல் கை நீட்டியவுடன் தனக்கு அப்படியே தந்த அன்பான வேளாளனின் கையின் மகத்துவத்தையும் எண்ணி எண்ணி மனமுருகினார் கம்பர்.

உடனே அவருக்கு ஏற்பட்ட உணர்ச்சி பெருக்கின் வெளிப்பாட்டின் படைப்புதான் "ஏர் எழுபது" என்ற வேளாளர் புகழ்ச்சி நூலாகும். உழவன் மற்றும் உழவுத் தொழிலின் மேன்மையை இதன் மூலம் உலகறியச் செய்து தனது நன்றியைத் தெரிவித்துவிட்டார் கம்பர்.

தவறாமல் மழை பெய்ய நாட்டில் நல்லொழுக்கம் மிக்க வேளாளரது ஏர் நடக்குமாயின் நாட்டில் இயலிசை, நாடகம் நடக்கும். பல்வேறு சிறப்புகள் நடக்கும், படை பலம் குன்றாது, தர்மம் தவறாமல் நடக்கும், உலகில் உயிர்கள் தோன்றும், பசி மக்களை நலிவிக்காது என்று ஏர் நடத்தற் சிறப்பைப் போற்றுவது மட்டுமல்லாமல், காராளர்தம் தொழிற் சிறப்பை மிக அழகாக எடுத்தோதுகிறார். ஏர்த் தொழில் முடி மன்னருக்கும், அருமறை அந்தணருக்கும் மன்னர் பின்னோராம் வணிகருக்கும் உதவவல்ல உயர்வுடையது என்பதே ஏர் எழுபது நூல் முழுவதும் பேசப்படுகிறது.

"கார் நடக்கும் படி நடக்கும் காராளர் தம்முடைய
 ஏர் நடக்கும் எனில் புகழ்சால் இயலிசை நாடகம் நடக்கும்
 சீர் நடக்கும் திறம் நடக்கும் திருவறத்தின் செயல்நடக்கும்
 பார் நடக்கும் படை நடக்கும்; பசி நடக்க மாட்டாதே!" (19)

என்று பாடுகிறார்.

ஏர் உழுவதற்கான உழவுக் கருவிகள் மற்றும் உழவுத்தொழில் பற்றி எழுபது பாடல்கள் இந்நூலில் உள்ளடக்கமாக உள்ளன. இதில் ஏர் கருவியின் உறுப்புகளும், உழவுத் தொழிலும் வரிசைபட கூறப்பட்டுள்ளன. தமிழிலக்கியங்கள் என்றுமே நல்வழியைத்தான் கூறுகின்றன.

கம்பர் காலத்திலும் கலிகாலத்திலும் மட்டுமல்ல எக்காலத்துக்கும் சிறப்புற்று விளங்குவது உழவுத்தொழில் ஒன்றுதான். ஏர்த்தொழிலின் சிறப்பு கூறும் கம்பரது இவ்விரு நூல்களை இன்றளவும் பலர் அறியாததால்தான், குறிப்பாக வேளாளர் தம் பார்வைக்குப் போய்ச் சேராததால், விளைநிலங்கள் நல்ல விளைச்சளைப் பார்க்காமல் நல்ல விலைக்கு விற்கப்பட்டுக் கட்டடங்களாகிப் போகும் அவல நிலைக்குத் தள்ளப்பட்டுள்ளன.

"கம்பரால் இவ்வளவு சிறப்பித்துக் கூறப்படும், நாட்டின் உயிர் நாடியாக விளங்கும் உழவுத்தொழிலை மறந்துவிட்டு நாம் வேறெந்த தொழில் செய்து உயிர்வாழப் போகிறோம்" என்ற கேள்வி "விதை"யை, ஒவ்வொரு விளை நிலக்காரர்களும் தங்களது மனமென்னும் நிலத்தில் "விதை"த்தால்,

"உழுதுண்டு வாழ்வதற்கு ஒப்பில்லை கண்டீர்; பழுதுண்டு வேறோர் பணிக்கு" என்ற நல்வழி(12) பாடல் வரிகளை நினைத்து இறுமாந்து இருக்கலாமல்லவா?

இடைமருதூர் கி.மஞ்சுளா

நன்றி: தமிழ்மணி (தினமணி)

https://groups.google.com/forum/#!msg/mintamil/GaNmxEKfPqE/tvJfp3zYON0J

ooo ooo ooo

ஏரெழுபது என்பது, வேளாண் தொழிலின் சிறப்புப் பற்றிக் கம்பர் எழுதிய நூலாகும். உழுகருவி, வேளாண்மையில் எருதுகளில் பயன்பாடு, வேளாண்மைச் செயற்பாடுகள், சோழ மண்ணின் சிறப்பு, வேளாளர்கள் சிறப்பு என்று பல்வேறு வகையானச் செய்திகளை இந்த நூல் கூறுகிறது.

நூலின் சிறப்புகள்

இந்நூல் வேளாண்மையின் அறுபத்தி ஒன்பது சிறப்புகள் பற்றி கூறகிறது.

1. உழவிற்கு இனிய நாள் கோடலிஞ் சிறப்பு
2. ஏர்விழாச் சிறப்பு
3. அலப்படைவாள் சிறப்பு
4. மேழிச் சிறப்பு
5. ஊற்றாணிச் சிறப்பு
6. நுகத்தின் சிறப்பு
7. நுகத்துளைச் சிறப்பு
8. நுகத்தாணியின் சிறப்பு
9. பூட்டு கயிற்றின் சிறப்பு
10. கயிற்றின் தொடைச் சிறப்பு
11. கொழுவின் சிறப்பு
12. கொழு ஆணியின் சிறப்பு
13. நாற்றுமுடி, தாற்றுக்கோல் சிறப்பு
14. உழும் எருதின் சிறப்பு
15. எருதின் கழுத்துக்கறை சிறப்பு
16. எருது பூட்டுதற் சிறப்பு
17. ஏர் பூட்டலின் சிறப்பு
18. ஏர் ஓட்டுதலின் சிறப்பு
19. உழுவோனின் சிறப்பு
20. உழவின் சிறப்பு
21. உழுத சாலின் சிறப்பு
22. மண்வெட்டியின் சிறப்பு
23. வரப்பின் சிறப்பு
24. எருவிடுதலின் சிறப்பு
25. சேறாக்கலின் சிறப்பு
26. பரம்படித்தலின் சிறப்பு
27. வித்திடுதலின் சிறப்பு
28. முளைத்திறனின் சிறப்பு
29. நாற்றங்காலின் சிறப்பு
30. நாற்று பறித்தலின் சிறப்பு
31. முடி இடுதலின் சிறப்பு
32. உரிய இடத்தினில் முடிசேர்த்தலின் சிறப்பு
33. நடவு மங்கலப்பாட்டின் சிறப்பு
34. பாங்கான நடவின் சிறப்பு
35. உழுதலுடனே நடவு செய்தலின் சிறப்பு
36. சேறாக்கி எருவிடுதலின் சிறப்பு
37. வேளாண்மை முதலாதலின் சிறப்பு
38. பயிர் வளர்திறத்தின் சிறப்பு
39. நாளும் நீரிறைத்தலின் சிறப்பு
40. பாய்ச்சும் நீரின் சிறப்பு
41. நிலம் திருத்தலின் சிறப்பு
42. சால்பலபோக்கி புழுதியாக்கலின் சிறப்பு
43. பயிர் நட்டாரின் சிறப்பு
44. நீர் பாய்ச்சுதலின் சிறப்பு
45. களைநீக்கலின் சிறப்பு
46. கருபிடித்தலின் சிறப்பு
47. கதிர் முதிர்தலின் சிறப்பு
48. கதிரின் பசிய நிறசிறப்பு
49. கதிரின் தலைவளைவின் சிறப்பு
50. விளைவு காத்தலின் சிறப்பு
51. அறுவடை கொடையின் சிறப்பு
52. அறு சூட்டின் சிறப்பு
53. களம்செய்தலின் சிறப்பு
54. போர் அடிவலியின் சிறப்பு
55. அடிகோலின் சிறப்பு
56. போர் சிறப்பு
57. போர்க்களப் பாடலின் சிறப்பு
58. இரப்பவரும் தோற்காச் சிறப்பு
59. நாவலோ நாவல் என்பதன் சிறப்பு
60. எருது மிதித்தலின் சிறப்பு
61. நெற்பொலியின் சிறப்பு
62. நெற்குவியலின் சிறப்பு
63. நெற்கூடையின் சிறப்பு
64. தூற்றுமுறத்தின் சிறப்பு
65. பொலி கோலின் சிறப்பு
66. நெற்கோட்டையின் சிறப்பு
67. கல்மணிகளின் சிறப்பு
68. வேளாளர் பெறும் பேற்றின் சிறப்பு
69. நன்மங்கல வாழ்த்து உள்ளிட்டவையாகும்.

Sankagiri fort

The people of the Kongu region called the fort as 'Sankagiri Dhurgam' with 'Dhurgam' meaning a fort. Also, as the peak of the mountain looked like a conch shell, they called the hill as 'Sanga' Giri. However, the British mispronounced it as 'Sankari Drug' and the English landscape painter Thomas Daniel, who drew the picture of the fort in the 18^th century, titled it as 'Sankaridroog'.

The fort, where the popular freedom fighter Dheeran Chinnamalai of the Kongu region was hanged to death, was under the British rule after the death of the Mysore ruler Tipu Sultan. But, earlier in the 17^th century, it was under the Madurai Naickers and later captured by the Mysore Wodeyar king Chikka Deva Raja.

Besides being a strong military base during different dynasties, the Sankagiri fort is known for the myths surrounding the places in it. A tale about a cave on the fort notes that once a Muslim monk by name Sha-Ha-Mardan- Gazi, entered the cave and never returned, but was strangely seen on the same day at another cave near Shivasamudra Falls on the banks of river Cauvery in Karnataka !

The fort, which has many entrances with strange names like Ranamandala Vaasal ( The gate of bloodshed) and Vellaikaaran Vasal ( White man’s gate), contains another entrance named after an agricultural woman's carrying buttermilk to the British soldiers atop the mountain. Interestingly, the entrance is called Morthitti Vasal ( Buttermilk Gate) ! 

ooo ooo ooo 

Salem boasts many important tourist places and they are of different genres. Some are historical monuments while others are religious shrines. Some are wildlife sanctuaries while others are just visited for panoramic natural beauty. Sankagiri Fort in Salem District is an important tourist place that has natural beauty as well as historical association and thereby it is visited by regular tourists as well as history freaks.

Source: Flickr

About Sankagiri Fort:

Sankagiri Fort is a historical fort in Sankari Taluka of Salem District of Tamil Nadu State. The fort is maintained by ASI (Archaeological Survey of India). Located about 22 km from Erode and about 38 km from Salem, this fort has historical significance. The scenic beauty around the fort is also another reason why visitors keep coming to this fort throughout the year. The fort boasts 14 fort walls built on a hill.

Source : Flickr

The last phases of these wall constructions were done by the British. The fort is very easy to reach as it is located on the Coimbatore-Salem National Highway No.47.

Historical Significance of Sankagiri Fort:

Sankagiri Fort was built during 15th Century by the Vijayanagara Empire. About 14 walls built across the Snakagiri Hills are the main attractions of this fort. The final construction of these walls was accomplished by the British. The Sankagiri Fort used to be the army base for the great Mysore Ruler Tipu Sultan. After Tipu Sultan got defeated by the British, the fort was used by the British to keep their treasury that they got collected from then Kongu Mandalam area.

Source : Flickr

In the British India, Kongu Mandalam included kingdoms across Erode, Salem, Karur, Dindukal and Nammakal. The British kept the money and gold they collected as part of the tax from various kingdoms of Kongu Nadu very safely within this fort. The fort also has association with Dheeran Cheenamalai, son of Rathina Sakarai. Dheeran Chinnamalai was a courageous warrior and tribal chief by whom Colonel Maxwell of the British Army was beheaded.

Source : Flickr

Later when Dheeran was captured by the British, he was hanged to death in this fort by the British on 31st of July, 1805.  The day is celebrated as Adiperukku Day in the remembrance of Dheeran Chinnamalai.

Points of Attraction in Sankagiri Fort:

Though there are two different entrances to the Sankagiri Fort, it can be reached by climbing from one side because the other side has steep slopes which make this way almost impossible to climb. Visitors can see two oil warehouses, granary, one store house for explosives, a death wall and a hayloft and administrative buildings inside the fort. There is a long cave that has a mosque at its entrance. Visitors also get to see the cemeteries of many soldiers (British and Muslims) within the fort premise.

Source : Flickr

There is a temple inside the fort dedicated to Varadaraja Perumal. The temple houses many historical items related to Tipu Sultan and Dheeran Chinnamalai. Visitors can see weapons, jewelries and other items related to these two great warriors who had captured the fort in the past.

Places around Sankari Fort:

There is a 125 years old church around the fort named CSI Nathaniel Memorial Church that is under CSI Coimbatore Diocese. Another important place to visit is the Sri Nallappullivannan Temple. One day tour to Yercaud Hills and other tourist places in Salem could also be enjoyed by the visitors of this fort.

அப்பச்சிமார் காவியம்: அப்பச்சி மாரய்யன் சகோதரர்கள் கதை

ஆசிரியர் : புலவர் செ. இராசு, வெளியீடு : டாக்டர் சி. மயிலேறு ரவீந்திரன், 70, டாக்டர்ஸ் லே-அவுட், சம்பத்நகர், ஈரோடு – 638 011, பக். : 136, விலை ரூ. 75/-.

கொங்கு 24 நாடுகளில் ஒன்றான வாழவந்தி நாட்டுப் பிள்ளைக்கரையாற்றூர் எனும் ஊரில் வேட்டுவர் குலத்தில் பிறந்தவர்கள் அப்பச்சி மாரய்யன் மற்றும் அவரது நான்கு சகோதரர்கள். இவர்களுக்கு 70 ஆண் மக்கள். இந்த 70 பேருக்கும் அதே குலத்தில் பிறந்த 70 பெண்களை மணம் முடிக்கும் தருணத்தில் நடக்கும் போரில் அப்பச்சி மாரய்யன் குடும்பத்தினர் அனைவரும் வீரமரணம் அடைகின்றனர். அப்பச்சி மாரய்யன் தெய்வத்தன்மை அடைகிறார். பின்னர் இது அப்பச்சிமார் காவியமாக உருப்பெற்று விளங்கி வருகிறது. 354 செந்தமிழ்க் கவிதைகளில் பல நூற்றாண்டுக் காலம் ஓலைச் சுவடியில் இருந்த இக்காவியத்தைக் கல்வெட்டு அறிஞர் புலவர் செ. இராசு அவர்கள் அச்சேற்றி நூல் வடிவில் கொணர்ந்திருக்கிறார். இது ஒரு பெரிய, அரிய முயற்சி. வேட்டுவர் சமுதாயப் பெருமைகள் கூறும் இந்நூலில் 153 வேட்டுவர் சமூகக் குலங்களின் பட்டியலும் கொடுக்கப்பட்டுள்ளது.

நெருங்காதே நீரிழிவே! 4 டாக்டர் விஜயராகவன், சுஜாதா தேசிகன்

4-நெருங்காதே நீரிழிவே! – டாக்டர் விஜயராகவன், சுஜாதா தேசிகன்
Diabetes, Dr.Vijayaraghavan, Sujatha Desikan
 

உங்களுக்கு சின்ன வயசுல தட்டம்மை வந்திருக்கா?”

வந்திருக்கு.”

இனிமே உங்க வாழ்நாளில் உங்களுக்கு தட்டம்மை வராது.”

ஏன்?”

ஏன்னா, தட்டம்மை ஒருவிதமான வைரஸ். அது வந்தா அதை எதிர்க்கும் சக்தி நம்ம உடம்புல வருது. அதனாலதான் அது திரும்பவராது. வந்தாலும் அதை நம் உடல் எதிர்த்துவிடும்.

இன்னொரு உதாரணம், குடிகாரங்களைப் பாருங்க. முதலில் கொஞ்சமாக ஆரம்பிப்பாங்க, அதற்கு உடல் எதிர்ப்பு தெரிவிக்கும். இந்த எதிர்ப்புனால கொஞ்ச நாளில் குடிச்சாபோதை ஏறாது. உடனே அவர்கள் அதிகமாகக் குடிப்பாங்க. உடல் மேலும் எதிர்ப்பு தெரிவிக்கும். இன்னும் அதிகமாகக் குடித்து, குடியின் எல்லைக்கே போய்விடுவார்கள். இன்சுலின் எதிர்ப்பும்  இதே போல்தான்.”

அதிக இன்சுலினால் இன்சுலின் எதிர்ப்பு உண்டாகிறதா? அல்லது இன்சுலின் எதிர்ப்பால் அதிக இன்சுலின் சுரக்கிறதா?”

இந்தக் கேள்வி, கோழியிலிருந்து முட்டையா, முட்டையிலிருந்து கோழியா? என்பது போல. ஒரு விதமான ஆபத்தான சுழற்சி. ‘விஷியஸ் சைக்கிள்’ என்பார்கள்.”

இதுக்கும் நாம் குண்டாவதற்கும் என்ன காரணம் டாக்டர்?”

இன்னொரு ஹார்மோன்பத்திசொல்றேன். அதுக்குப் பெயர் லெப்டின்.”

லெப்டினா?”

ஆமாம். 1890ல் இதைக் கண்டுபிடிச்சாங்க.

சின்ன பையன் ஒருத்தன் திடீர்னு குண்டானான். என்னன்னுசொதிச்சுப் பார்க்கும்போது மூளையின் ஹைப்போதலாமஸ் (hypothalamus) என்ற பகுதியில சேதம். அதனால் ஒபிசிட்டி, ஹார்மோன் கோளாறுன்னு கண்டுபிடிச்சாங்க. ஹைப்போதலாமஸ் பகுதியில இருக்கும் நியூரான்களுக்கும் நம் உடல் எடைக்கும் ஏதோ சம்பந்தம் இருக்குன்னு யூகிச்சாங்க.”

அப்பதான் லெப்டின் கண்டுபிடிச்சாங்களா?”

இல்லை. 1994ல் தான் லெப்டினைக் கண்டுபிடிச்சாங்க. லெப்டின் என்றால் கிரேக்கத்தில் ஒல்லி. லெப்ட்டின் கொழுப்பு செல்கள் உற்பத்தி செய்து உடலுக்கு ஒரு சிக்னல் கொடுக்குது.”

என்ன சிக்னல்?”

போதும், இதுக்கு மேலே சாப்பிடாதே என்று! ஒரு கால் கிலோ மைசூர்ப்பாகை சின்னப் பையனிடம் கொடுத்தால், ஒண்ணு இல்ல ரெண்டுக்கு மேல சாப்பிடமாட்டான். திகட்டிவிடும். ஆனால் நீரிழிவு உள்ளவர், ராத்திரி யாருக்கும் தெரியாம ஒன்றில் ஆரம்பித்து, ஒன்றை மட்டும் மீதம் வைப்பார்.”

ஆமாம் டாக்டர். நான்கூட முன்பு…”

இது உங்க பிரச்னை மட்டும் இல்லை, பலருக்கும் இருக்கு. உங்க மூளையில் ஹைப்போதலாமஸ் (hypothalamus) பகுதிக்கு லெப்டின் சிக்னல் வேலை செய்யவில்லை. அதனால சாப்பிட்டுக்கொண்டே இருப்போம். மூக்கு வழியாக வெளியே வரும்வரை!”

ஆனால் ஏன் லெப்டின் வேலை செய்யவில்லை?”

அதிக இன்சுலினால்தான்!”

விளக்கமுடியுமா டாக்டர்?”

அதிக இன்சுலின் லெப்டின் ஓட்டத்தைத் தடை செய்யுது. ‘சாப்பிட்டது போதும்’ என்ற சிக்னல் மூளைக்கு எட்டாது. இதனால் மேலும் அதிக லெப்டின் உற்பத்தி ஆகும். மேலும் மேலும் அதிக லெப்டின் உற்பத்தியானால்? இப்ப உங்களுக்கே தெரிந்திருக்கும்.

அடுத்து என்ன நடக்கும்?”

லெப்டின் ரெஸிஸ்டன்ஸ்.”

சரியாசொன்னீங்க. மூளையில் இன்னொரு பகுதியும் இருக்கு நியூக்ளியஸ் அகும்பென்ஸ் (nucleus accumbens). இங்கேதான் நமக்குத் திருப்தி, இன்பம் எல்லாம் ஏற்படுது (it is our reward centre) ஒரு மைசூர்ப்பாகு சாப்பிட்ட பின் நமக்கு ஏற்படும் திருப்தி, ஆனந்தம்.

‘feel good‘ என்பார்கள், அது இங்கேதான் நடக்குது. லெப்டின் வேலை செய்யாதபோது ஒரு மைசூர்ப்பாகு ஆனந்தத்தைக் கொடுக்காமல், தொடர்ந்து சாப்பிட்டு டப்பா காலியாகும்வரை சாப்பிட்டுக்கொண்டே இருக்க வைக்கிறது.”

குடித்துக்கொண்டே இருக்கும் குடிகாரன் போலத்தானே டாக்டர்?”

ஆமாம். அதிக இன்சுலினால் லெப்டின் வேலை தடைபட்டு, மேலும் உங்களுக்குப் பசிக்குது. ஜாஸ்தி சாப்பிட்டு இன்னும் ஜாஸ்தி இன்சுலின் சுரக்கிறது. இன்சுலின் எதிர்ப்பு கூடுகிறது. அதைச் சரிசெய்ய மேலும் இன்சுலின் எடுத்துக்கொள்கிறீர்கள். மேலும் மேலும் சாப்பிட்டு, மேலும் கொழுப்பை சேகரித்து நீங்கள் குண்டாகறீங்க. முதல் கேள்விக்கு பதில் ”We do not get fat because we overeat. We overeat because we get fat!” என்கிறார் Gary Taubes.”

தலை சுத்துகிறது டாக்டர். சர்க்கரையைவிட இன்சுலின்தான் பெரிய பிரச்னை போல.”

ஆமாம். ஆரம்பத்துல அதிக ஈரப்பதம் இருந்து கொண்டே இருந்தால் துருப்பிடிப்பது மாதிரிதான். அதிக இன்சுலின் இருந்துகொண்டே இருந்தால் இன்சுலின் எதிர்ப்பு உண்டாகி, இதயம், கிட்னி, கண், காது என்று எல்லாம் ரிப்பேர் ஆகுது. அதனால்தான் நீரிழிவு உள்ளவர்களுக்கு எல்லா உறுப்புகளும் டாமேஜ் ஆகுது.

இதைப் பற்றி டாக்டர் ஜோசப் கிராஃப்ட் (Dr Joseph Kraft) 1976ல் ஒரு சுவாரஸ்யமான ஆய்வு செஞ்சார் அவர். 1976ல் பதினாலாயிரம் பேரை நீரிழிவு உள்ளவர்கள், நீரிழிவு இல்லாதவர்கள் என்று இரண்டு குழுக்களாகப் பிரித்தார். அவர்களுக்கு OGTT டெஸ்ட் செய்தார்.”

”OGTT டெஸ்டுன்னா என்ன டாக்டர்?”

‘ஓரல் குளுக்கோஸ் டாலரன்ஸ் டெஸ்ட்.’ அதாவது வெறும் வயிற்றில் குளுக்கோஸ் கொடுத்து அதற்கு உங்க உடம்பு இரண்டு மணி நேரத்தில எப்படி ரியாக்ட் செய்யுதுன்னு பார்ப்பது.”

பரிசோதனையில நீரிழிவுக்காரர்களுக்கு, அதிக சர்க்கரை இருந்திருக்க வேண்டுமே.”

ஆமாம். எதிர்பார்த்த மாதிரியே நீரிழிவு உள்ளவங்களுக்கு ரத்தத்துல சர்க்கரை அதிகமா இருந்தது. டாக்டர் கிராஃப்ட் புத்திசாலித்தனமாக இன்னொரு பரிசோதனையையும் கூடவே செஞ்சார். சர்க்கரையின் அளவுடன் இன்சுலின் அளவையும் சேர்த்து எடுத்தார். நீரிழிவு உள்ளவங்களுக்கு சர்க்கரை, இன்சுலின் இரண்டும் அதிகமா இருந்தது.”

இதில் ஆச்சர்யம் எதுவும் இல்லையே?”

ஆச்சர்யம் நீரிழிவு இல்லை என்று நினைத்துக் கொண்டவர்களுக்குத்தான்!”

நீரிழிவு இல்லாதவங்களுக்கு ரத்தத்துல சர்க்கரை அளவு சரியா இருந்திருக்குமே?”

சர்க்கரை அளவு சரியா இருந்தது. ஆனா இன்சுலின் அளவு மூணுல இரண்டு பங்கு அதாவது 75 சதவிகிதம் பேருக்கு அதிகமா இருந்தது. இவங்களுக்கு நிச்சயம் பிற்காலத்தில உடல் பாதிப்பு இருக்கும். இதயம், கிட்னி, குறிப்பாக நீரிழிவால பாதிக்கப்படுவாங்கன்னு கணிச்சார்.”

என்ன நடந்தது?”

அவர் கணிச்சது மாதிரியே நடந்தது. டாக்டர் கிராஃப்ட் ஆராச்சிக் குறிப்புகளைப் பாருங்க” என்று வரைபடத்தைக் காண்பித்து விளக்கினார் டாக்டர்:

பச்சையில் இருப்பவர்கள் (1) :

குளுக்கோஸ் சாப்பிட்டபின் இன்சுலின் நிலை உயர்கிறது. ஆனால் சுமார் மூன்று மணி நேரத்தில் மீண்டும் குறைந்து விடுகிறது. இவர்கள் ஒன்றும் பிரச்னை இல்லாத ‘நார்மல்’ மக்கள்.

மஞ்சள் (2) குளுக்கோஸ் சாப்பிட்ட பிறகு அதன் சுமையை (Load) எதிர்கொள்ளும் வகையில், இங்கேயும் இன்சுலின் நிலை விரைவில் உயர்கிறது. மேலே சொன்ன ‘நார்மல்’ நபர்களைக் காட்டிலும் அதிகமாக உயர்ந்து, கீழே இறங்கிவர 4-5 மணி நேரம் ஆகிறது.”

இதுதானே டாக்டர் ஹைபர் இன்சுலினிமியா (hyperinsulinemia).”

ஆமாம்.”

ஆரஞ்சு(3), சிவப்பு (4) நிறங்களில் இருப்பவர்களைப் பாருங்க. அவங்களுக்கு இன்சுலின் அளவு இறங்க, அஞ்சு இல்ல ஆறு மணி நேரம் கூட ஆகலாம்.

அதிக இன்சுலின் இருந்துகொண்டே இருந்தால் இன்சுலின் ரெசிஸ்டென்ஸ் வந்துடுமே.”

ஆமாம். நிச்சயம் இன்சுலின் எதிர்ப்பு வந்து பத்து பதினைந்து வருஷத்துல டயபட்டீஸ் வரும் என்று ஜோசியமே சொல்லலாம்!”

இப்ப நாம சர்க்கரை அளவுதானே டெஸ்ட் செய்யறோம். இது சரியான டெஸ்ட் இல்லையா?”

அப்படியில்ல இன்சுலின் ரொம்ப அதிகமானா இன்சுலின் எதிர்ப்பு உண்டாகி, இன்சுலினால ரத்தத்துல இருக்கிற சர்க்கரை அளவைக் கட்டுப்படுத்த முடியாம, அதனால ரத்தத்துல சர்க்கரை அளவு கூடுது, பிறகு இரண்டும் அதிகமானா-Its a double edged sword.”

அப்ப சர்க்கரை வெறும் அறிகுறிதான், அடியாள் மாதிரி. வில்லன் இன்சுலின், சரியா டாக்டர்?”

சரியாசொன்னீங்க. டயபடீஸுக்கு இன்சுலின் கொடுத்துக் கொடுத்து ரத்தத்துல சர்க்கரை அளவைக் குறைப்பதால, நீரிழிவு மேலும் மோசமாகுது! அது எப்படின்னு சொல்றேன். நீங்க சமீபத்தில ஊருக்கு சூட்கேஸ் எடுத்துக்கொண்டு தானே போனீங்க?”

ஆமாம்.”

இப்ப உங்க சூட்கேஸில் வேஷ்டி, துண்டு, போர்வை, பேன்ட், சட்டை, டி-ஷர்ட் எல்லாம் பேக்கிங் முடிச்சபோது, போன வாரம் உங்க மனைவி வாங்கிய புதுச் சட்டை நினைவுக்கு வருது. ஆனால் பெட்டியில இடமில்லை. ஏற்கெனவே பேக் செய்ததை வெளியே எடுக்கவும் மனசு வரலை. என்ன செய்வீங்க?”

சட்டையை உள்ளே வெச்சு, அழுத்தி மூடி ‘ஜிப்பை’ போடுவேன்.”

இப்ப மேலும் ஒரு எக்ஸ்ட்ரா டவல் உள்ளே வைக்க வேண்டும். என்ன செய்வீங்க?”

கஷ்டம்தான். சூட்கேஸ்மீது ஏறி உட்கார்ந்துடுவேன்!”

இப்படியே செஞ்சிக்கிட்டு இருந்தா உங்க சூட்கேஸ் என்னாகும்?”

சூட்கேஸ் வாய் இருந்தா அழும். ‘ஜிப்’ பிளந்துக்கும், இல்ல வீக்கான இடத்தில் தையல் விட்டிருக்கும்.”

இதேதான் உங்க உடம்புக்கும் ஆகுது. நம் செல்தான் அந்த சூட்கேஸ். குளுக்கோஸ்தான் நம் துணி மணிகள். அதை அழுத்தம் கொடுத்து உள்ளே செலுத்துவது இன்சுலின்.”

இப்ப சர்க்கரை அதிகமா இல்லனா சுலபமா மூடலாம், அதிகமா இருந்தா அதிக இன்சுலின் உற்பத்தி செய்து பெட்டியை அழுத்தம் கொடுத்து மூட முயற்சி செய்கிறோம், மாத்திரை மூலம். பெட்டி உடையற மாதிரி அதிக இன்சுலின், மேலும் அதிக இன்சுலின் என்று உடம்பு பார்ட் பார்ட்டா ரிப்பேர் ஆகுது.”

ஓ! அதனாலதான் நீரிழிவு உள்ளவங்களுக்கு இதயம், கை, கால், கிட்னி, கண் என்று எல்லா உருப்புகளும் சேதமடையுதா? அப்ப நீரிழிவு (இன்சுலின்) மாத்திரை சாப்பிடக் கூடாதா?”

(அடுத்த வாரம் சொல்றேன்)

-நன்றி கல்கி

Source: Balhanuman's Blog  November 18, 2016

https://balhanuman.wordpress.com/2016/11/18/4%E0%AE%A8%E0%AF%86%E0%AE%B0%E0%AF%81%E0%AE%99%E0%AF%8D%E0%AE%95%E0%AE%BE%E0%AE%A4%E0%AF%87%E0%AE%A8%E0%AF%80%E0%AE%B0%E0%AE%BF%E0%AE%B4%E0%AE%BF%E0%AE%B5%E0%AF%87%E0%AE%9F%E0%AE%BE/

நெருங்காதே நீரிழிவே! 3 டாக்டர் விஜயராகவன், சுஜாதா தேசிகன்

3-நெருங்காதே நீரிழிவே! – டாக்டர் விஜயராகவன், சுஜாதா தேசிகன்

Diabetes, Dr.Vijayaraghavan, Sujatha Desikan  

டாக்டர் போன வாரம் ‘குண்டாக இருப்பதனால நிறைய சாப்பிடுறாங்களா? இல்ல நிறைய சாப்பிட்டு அதனால குண்டாகிறாங்களா?’ என்ற கேள்வியுடன் முடித்திருந்தோம்.”

இந்தக் கேள்விக்கு முன்னாடி வீட்டுல இரும்பு ஜன்னல் கம்பி, கைப்பிடி எல்லாம் துருப்பிடிச்சிருப்பதைப் பார்த்திருக்கீங்களா?”

பார்த்திருக்கிறேன். திருவல்லிக்கேணியில் ‘எவர்சில்வர்’ பாத்திரம் கூட துருப்பிடிக்கும்.”

ஓ. அப்படியா? கவனிச்சீங்கனா உடனே துருப்பிடிக்காது; கொஞ்ச நாள் ஆகும்.”

ஆமாம். துருப்பிடிக்க கொஞ்ச நாள் ஏன் சில மாசங்கள் கூட ஆகும். தொடர்ந்து ஈரப்பதம் இருந்து கொண்டே இருந்தால் படிப்படியாகத் துருப்பிடிக்கும்.”

எக்ஸாட்லி. துருப்பிடிப்பதற்குக் கொஞ்ச கால அவகாசம் வேணும்… ஈரப்பதம், உலோகத்தின் தன்மை என்று நிறைய விஷயங்கள் இருக்கு. உடல் பருமனும் அதே மாதிரிதான். யாரையாவது குண்டாக்க வேண்டும் என்றால் சுலபமான வழி இருக்கு தெரியுமா?”

தெரியாதே.”

தொடர்ந்து இன்சுலின் எடுத்துக்கொள்ளச் சொல்லணும். சிம்பிள். நீங்க என்ன தான் மன உறுதியோட, சாப்பாட்டைக் கட்டுப்படுத்தி, உடற்பயிற்சி செஞ்சாலும் நீங்க குண்டாவது நிச்சயம்.”

அட எப்படி டாக்டர்?”

இன்சுலின் ஒரு ஹார்மோன். அதனால முதல்ல ஹார்மோன் எப்படி வேலை செய்யும்னு தெரிஞ்சுக்கோங்க. ஹார்மோன் என்பவை மூலக்கூறுகள் (molecules). நம் உடம்புல இருக்கும் செல்களுக்குச் செய்தி அனுப்புகிறது.”

ரொம்ப டெக்னிகலா இருக்கே!”

சிம்பிள். நீங்க ஒரு குலோப்ஜாமூன் சாப்பிட்ட உடனே சர்க்கரை உங்க ரத்தத்தில் கலக்கிறது. உடனே உங்க உடலில் இன்சுலின் சுரக்க செய்தி அனுப்புகிறது. ஏன் தெரியுமா?”

நம் ரத்தத்தில் இருக்கும் குளுக்கோஸை எனர்ஜியாக, சக்தியாக உபயோகிக்க.”

ஆமாம். சாப்பிட்டதும் என்ன நடக்கிறது? நம் வயிறு, சிறுகுடலில் சாப்பாடு உடைக்கப்படுகிறது. சாப்பாட்டை மூன்று வகையாகப் பிரிக்கலாம்.

1. கார்போஹைட்ரேட் அதாவது மாவுச்சத்து,

2. ப்ரோட்டின் என்னும் புரதம்;

3. ஃபேட் என்னும் கொழுப்பு.

புரதங்கள் ‘அமினோ’ அமிலமாக உடைக்கப்படுகிறது. கொழுப்பு கொழுப்பு அமிலங்களாக உடைக்கப்படுகிறது.”

கார்போஹைட்ரேட் என்ன ஆகிறது?”

சொல்றேன்… சர்க்கரை, கார்போஹைட்ரேட் இரண்டும் குளுக்கோஸாக மாறி ரத்தத்தில் கலக்கும். கிட்டத்தட்ட நம் உடலில் இருக்கும் எல்லா செல்களும் இந்த குளுக்கோஸை உபயோகிச்சுக்கலாம். குளுக்கோஸ் அளவு ரத்தத்தில் அதிகரிக்கும் போது, ‘இன்கிரிட்டின்’ (incretin)என்ற இன்னொரு ஹார்மோனை சுரக்கச் செய்யுது.”

இது எதுக்கு?”

இன்கிரிட்டின் ரத்தத்தில் கலந்து, கணையத்தை(Pancreas)அடைந்து, பீட்டா செல்களைத் தூண்டி இன்சுலினை சுரக்கச் செய்யத்தான்.”

ஆச்சர்யமாக இருக்கே!”

இப்ப உங்களுக்கு ஒரு கேள்வி. நம் உடம்புல எவ்வளவு ரத்தம் இருக்கு?”

சுமார் ஐந்து லிட்டர்?”

ஆமாம். ஐந்து லிட்டர் ரத்தத்துல எவ்வளவு சர்க்கரை இருக்கலாம் தெரியுமா?”

தெரியலையே…”

ஒரு டீஸ்பூன் அளவு தான். அதாவது நாலு கிராம்.”

அதுக்கு மேலே இருந்தா என்ன ஆகும் ?”

அதிகமா இருந்தா கெடுதல். முன்பு சொன்ன 3T – ‘Excess Sugar is Toxic’. அந்த அதிகமான சர்க்கரையைக் குறைக்கத்தான் இன்சுலின் சுரக்குது”ஒரு டவுட் – சர்க்கரை, கார்ப் எல்லாம் குளுக்கோஸாக மாறுகிறதா?”

ஆமாம், சர்க்கரை, கார்ப் இரண்டுமே உடலுக்குள் போனால் குளுக்கோஸ் தான்.”

குளுக்கோஸ் என்ன ஆகுது?”

நம் உடலுக்குத் தேவையான சக்தியாய் பயன்படுது. எக்ஸ்ட்ராவா இருப்பது கிளைகோஜெனாக (சேமிக்கப்படும் சர்க்கரையின் வடிவம்) சேமிக்கப்படுது.”

இது எங்கே நடக்கிறது?”

கல்லீரல் (liver) மற்றும் தசைகளில் (muscle). ஆனா அங்கே அதிகம் சேமிக்க முடியாது. பலூன் மாதிரி ரொம்ப ஊத முடியாது.”

மேலும் அதிகப்படியாய் இருந்தா?”

உங்களுக்கு நீரிழிவு என்று அர்த்தம். நீங்க எடுத்துக்கொள்ளும் மருந்து(மாத்திரை அல்லது இன்சுலின்) அதிக இன்சுலினை சுரக்கச் செய்யுது. அந்த எக்ஸ்ட்ரா சர்க்கரையைக் கொழுப்பாய் மாத்துது. அதனால தான் நீங்க குண்டாகறீங்க.”

அட கடவுளே.”

நம் செல்களுக்குள் குளுக்கோஸ் எப்படிப் போகுதுன்னு சொல்றேன்.”

சொல்லுங்க.”

‘செல்’லை ஒரு ரூம் போல கற்பனை பண்ணிக்கோங்க. செல்சுவரில் ‘இன்சுலின் ரிசெப்டர்’ (insulin receptor) என்னும் பூட்டு உள்ளது. பூட்டியிருக்கும் அந்த ரூமைதிறக்கும் மந்திரச் சாவிதான் இன்சுலின். அந்தப் பூட்டைத் திறந்து குளுக்கோஸை செல்லுக்குள் நுழைக்க வேண்டும். அதுதான் உடலுக்கு சக்தியாக மாறுகிறது. உங்களை ஓட, நடக்க, பேச, யோசிக்க, கணக்குப் போட வைக்குது. இப்ப ஒரு நாலாங்கிளாஸ் கணக்கு.”

கேளுங்க.”

நீங்க சாப்பிட்ட உணவுல இருபது குளுக்கோஸ் மூலக்கூறு இருக்குனு வெச்சுப்போம். அதிலிருந்து பத்து செல்களுக்கு இரண்டு குளுக்கோஸ் அனுப்பணும். ஒரு இன்சுலின் சாவி இரண்டு குளுக்கோஸை அனுப்ப முடியும் என்று வைத்துக்கொண்டால் நம் உடல் எவ்வளவு சாவி தயாரிக்க வேண்டும்?”

பத்து.”

ஆமாம். சாவி சரியா வேலை செய்யலேனா? அது தான் பிரச்னை. பத்து சாவியால பத்து குளுக்கோஸைத் தான் உள்ளே அனுப்ப முடியுது வெச்சுக்கோங்க. அப்ப மீதம் இருக்கும் பத்து குளுக்கோஸை எப்படி அனுப்புவது ?”

மேலும் பத்து சாவி தயாரிக்கணும்.”

ஆமாம். இங்கே சாவி தான் இன்சுலின். மேலும் மேலும் சாவி ஜாஸ்தியாகி பூட்டைத் திறந்துகொண்டே இருந்தா பூட்டு ரிப்பேராகி மேலும் மேலும் இன்சுலின் சுரந்து அதுவே இன்சுலின் எதிர்ப்புக்குக் காரணமாகிறது (Insulin Resistance).”

அது ஏன் டாக்டர்?”

இப்ப போனவாரம் யாத்திரை போயிட்டு வந்தீங்க. அதில குழந்தைகளும் வந்தாங்களா?”

கைக்குழந்தையைக் கூட அழைச்சுட்டு வந்தாங்க.”

குழந்தைகள் சத்தம், அமர்க்களத்துக்கு நடுவிலும் தூங்கியிருக்குமே?”

ஆமாம். நான் கூட ஆச்சர்யப்பட்டேன். எப்படி அவ்வளவு சத்தத்துக்கு நடுவுல தூங்க முடியுதுன்னு.”

இதையே நீங்க ரயில்வே ஸ்டேஷனில், பஸ் ஸ்டாண்ட், தியேட்டர்ல பார்த்திருப்பீங்க. ஆனால் அதே குழந்தை வீட்டுல தூங்கும்போது ‘க்ரீச்’ன்னு கதவு மூடுற சின்னச் சத்தம் கேட்டாகூட குழந்தை எழுந்துடும்.”

அட ஆமாம்… இது ஏன் ?”

ரயில்வே ஸ்டேஷனில் தூங்கும் குழந்தை சத்தத்துக்குத் தன்னைப் பழக்கிக்கொண்டுவிட்டது. சரியாகச் சொல்லணும்னா சத்தத்தை எதிர்க்க, புறக்கணிக்க கற்றுக்கொண்டுவிட்டது.”

ஆச்சர்யமாக இருக்கு. அப்ப நம்ம தாலாட்டு பாட்டு கூட அதுக்குச் சத்தமா டாக்டர்?”

ஆமான்னு சொன்னா அம்மாக்கள் சண்டைக்கு வந்துடுவாங்க. இதுபோல பல விஷயங்களில் எதிர்ப்பு உணர்வு ஏற்படுது.”

உதாரணம்?”

நிறைய இருக்கு… ஆனால் நம் உடலில் எப்படி எதிர்ப்பு உணர்வு ஏற்படுது? உடம்புல ஏதாவது ஒரு மாற்றம் ஏற்பட்டா அதை எதிர்கொள்ள அதுக்கு நேர் எதிராகச் செய்யல்பட்டு பழைய நிலைக்குத் திரும்ப முயற்சி செய்யுது. குளிர்காலத்துல அதை எதிர்கொள்ள நம் உடல் தன்னைத் தானே சூடாக்கிக்கொள்கிறது. வெயில் காலத்துல?”

வேர்த்துக்கொட்டி தன்னைத் தானே கூலாக்கிக்கொள்கிறது.”

எக்ஸாட்லி. ஆக சூழ்நிலைக்கேற்ப உடம்பு அட்ஜஸ்ட் (adapt) செஞ்சுக்கிறது. அதனால்தான் நாம் இன்னும் உயிரோடு இருக்கோம். இப்ப இன்சுலின் ரெசிஸ்டென்ஸ் அல்லது இன்சுலின் எதிர்ப்புக்கு வரலாம். இன்சுலின் எதிர்ப்பு நம் உடலுக்குத் தேவையா ?”

இன்சுலின் ரத்தத்தில் இருக்கும் குளுகோஸை குறைச்சு அது ரொம்ப குறைச்சா உடனே ‘லோ சுகர்’ ஆகிடும். அதுனால இன்சுலின் எதிர்ப்பு தேவை. சரியா?”

கரெக்ட். ஆனா அதிக இன்சுலின் எதிர்ப்பு அளவுக்கு அதிகமானா தான் பிரச்னையே.”

இது எப்படி டாக்டர்?”

இது இன்சுலினுக்கு மட்டுமில்ல, நாம் தொடர்ந்து ஆன்ட்டிபயாட்டிக் எடுத்தாலும் இதே பிரச்னைதான். அதாவது ஆன்ட்டிபயாட்டிக் எதிர்ப்பு உண்டாகி ஆன்ட்டிபயாட்டிக் வேலை செய்யாமல் வேறு ஆன்ட்டிபயாட்டிக் அல்லது அதிக டோஸேஜ் எடுத்துக் கொள்கிறோம்.”

உங்களுக்கு சின்ன வயசுல தட்டம்மை (measles) வந்திருக்கா?”

வந்திருக்கு.”

இனிமே உங்க வாழ்நாளில் உங்களுக்கு தட்டம்மை வராது.”

ஏன்?”

(அடுத்த வாரம் சொல்றேன்)

-நன்றி கல்கி

Source: Balahanuman November 11, 2016

https://balhanuman.wordpress.com/2016/11/11/3%E0%AE%A8%E0%AF%86%E0%AE%B0%E0%AF%81%E0%AE%99%E0%AF%8D%E0%AE%95%E0%AE%BE%E0%AE%A4%E0%AF%87%E0%AE%A8%E0%AF%80%E0%AE%B0%E0%AE%BF%E0%AE%B4%E0%AE%BF%E0%AE%B5%E0%AF%87%E0%AE%9F%E0%AE%BE/